Kandídat með ágætiseinkunn frá Viðskiptafræðideild
Brautskráning Háskóla Íslands fór fram laugardaginn 22. febrúar síðastliðinn við hátíðlega athöfn í Háskólabíó. Alls brautskráðust 43 kandídatar frá Viðskiptafræðideild, þar af 20 úr grunnnámi og 23 úr meistaranámi.
Einn kandídat brautskráðist með ágætiseinkunn frá Viðskiptafræðideild. Það var Friðrik Björnsson sem brautskráðist með MS í viðskiptafræði með einkunnina 9,13.
Lokaverkefni hans var ritað á ensku og ber heitið „Consumer segmentation: Reduction of Market Risk in the Development of Functional Food Products“, sem er á íslensku „Markaðshlutun - minnkun markaðsáhættu í þróun auðgaðra matvæla“.
Kennarar og starfsfólk Viðskiptafræðideildar óskar öllum kandídötum til hamingju með áfangann og sérstakar hamingjuóskir fær Friðrik fyrir frábæran árangur.