Hæsta meðaleinkunn frá upphafi rafrænna mælinga

Brautskráning Háskóla Íslands fór fram laugardaginn 20. júní síðastliðinn við hátíðlega athöfn í Laugardalshöll. Alls brautskráðust 174 kandídatar frá Viðskiptafræðideild, þar af 72 úr grunnnámi, 77 úr meistaranámi og 25 úr MBA-námi.

Fjórir kandídatar brautskráðust með ágætiseinkunn frá Viðskiptafræðideild. Það voru þau Guðrún Ingvarsdóttir með MS í Stjórnun og stefnumótun og þau Daníel Kristjánsson, Kateryna Hlynsdóttir og Anna Guðrún Gunnlaugsdóttir með BS í viðskiptafræði.

Vert er að geta árangurs Daníels Kristjánssonar sérstaklega en hann útskrifaðist með 9,67 í meðaleinkunn úr BS-námi og þar með hæstu meðaleinkunn frá upphafi rafrænna mælinga, eða frá árinu 1980.

Kennarar og starfsfólk Viðskiptafræðideildar óskar öllum kandídötum til hamingju með áfangann.