Febrúarbrautskráning kandídata frá Háskóla Íslands fór fram í Háskólabíói í dag, laugardaginn 27. febrúar.

Að þessu sinni voru 478 kandídatar brautskráðir af öllum fræðasviðum Háskólans, með 482 prófi.

Frá deildum Heilbrigðisvísindasviði voru brautskráðir 80 kandídatar, 11 karlar og 69 konur. Þrír kandídatar luku meistaraprófi með ágætiseinkunn; Ragnhildur Heiðarssdóttir og Ragnhildur Jóna Kolka, sem báðar luku MS prófi í líf- og læknavísindum frá Læknadeild, og Magnea Guðrún Karlsdóttir, sem lauk MS prófi í matvælafræði frá Matvæla- og næringarfræðideild.

Hjúkrunarfræðideild (38)

MS-próf í hjúkrunarfræði (4)
Erla Björk Sverrisdóttir
Halldóra Hálfdánardóttir
Margrét Eiríksdóttir
Rannveig Jóna Jónasdóttir
Diplómanám á meistarastigi á sérsviðum hjúkrunar (34)
Ardís Henriksdóttir
Álfheiður Atladóttir
Berglind Þorbergsdóttir
Edda Marý Óttarsdóttir
Elín H Sæmundsdóttir
Elínborg G Sigurjónsdóttir
Erla Björk Birgisdóttir
Eydís Ingvarsdóttir
Eyrún Björg Þorfinnsdóttir
Guðbjörg Helga Erlingsdóttir
Halldóra Bjarney Skúladóttir
Hildur Guðmundsdóttir
Hildur Rakel Jóhannsdóttir
Hrönn Hreiðarsdóttir
Hrönn Sigurðardóttir
Ingibjörg Indriðadóttir
Ingibjörg Jónsdóttir
Ingibjörg St Sigurðardóttir
Ingileif Sigfúsdóttir
Íris Kristjánsdóttir
Jón Garðar Viðarsson
Jóna Pálína Grímsdóttir
Katrín Ólafsdóttir  
Kolbrún Inga Jónsdóttir
Kristín Halla Marinósdóttir  
Marianne Elisabeth Klinke  
Sandra Hrönn Sveinsdóttir  
Sigríður Bína Olgeirsdóttir  
Snekkja Jóhannesdóttir
Sólveig Tryggvadóttir
Steinunn Snæbjörnsdóttir
Þorbjörg Ása Kristinsdóttir
Þórunn Agnes Einarsdóttir
Þuríður Katrín Vilmundardóttir

Lyfjafræðideild (6)

MS-próf í lyfjafræði
Hrönn Ágústsdóttir
Ingibjörg Sigurðardóttir
Jóhann Gunnar Jónsson
Margrét Lilja Heiðarsdóttir
Silja Þórðardóttir
MS-próf í lyfjavísindum (1)
Eydís Einarsdóttir

Læknadeild (13)

Embættispróf í læknisfræði (4)
Guðrún Fönn Tómasdóttir
Kolbrún Gunnarsdóttir
Sandra Halldórsdóttir
Sigurveig Þórisdóttir
MS-próf í líf- og læknavísindum (6)
Egill Thoroddsen
Helga Eyja Hrafnkelsdóttir
Ragnhildur Heiðarsdóttir     
Ragnhildur Jóna Kolka        
Sólrún Þóra Þórarinsdóttir
Þorgerður Sigurðardóttir
MS-próf í lýðheilsuvísindum (3)
Agnes Gísladóttir
Díana Óskarsdóttir
Hanne Krage Carlsen

Matvæla- og næringarfræðideild (6)

MS-próf í matvælafræði (2)
Magnea Guðrún Karlsdóttir    
Ragnhildur Einarsdóttir  
BS-próf í matvælafræði (4)
Berglind Rúnarsdóttir
Bjarki Hraunfjörð Kristinsson  
Gunnar Birgir Sandholt
Oddný Kristín Kristbjörnsdóttir

Sálfræðideild (16)
Cand. psych.-próf í sálfræði (1)
Bragi Reynir Sæmundsson  
BS-próf í sálfræði (15)
Emanúel Geir Guðmundsson
Guðmundur Daði Haraldsson  
Guðrún Rakel Eiríksdóttir
Guðrún Björg Guðmundsdóttir
Guðrún Hrönn Hilmarsdóttir
Halla Ósk Ólafsdóttir
Helga Bestla Baldursdóttir  
Hrund Guðmundsdóttir
Ingunn Jónsdóttir  
Íris Wigelund Pétursdóttir
Jakobína Jónsdóttir
Lilja Magnúsdóttir
Stella Sigurbjörg Magnúsdóttir
Tinna Baldursdóttir
Þóra Halldóra Gunnarsdóttir

Tannlæknadeild (1)

MS-próf í tannlæknisfræði (1)
Árni Rafn Rúnarsson 

Ræða Kristínar Ingólfsdóttur, rektors, við brautskráningu

Lýðheilsufélag læknanema efnir til Blóðgjafamánaðar Háskóla Íslands nú í mars og er það í annað skipti sem félagið stendur fyrir slíku átaki, í samvinnu við Blóðbankann, Vodafone og Stúdentaráð HÍ.

Tilgangur Blóðgjafamánaðar HÍ er að hvetja háskólanema til að gefa blóð í nafni nemendafélags síns eða námsgreinar. Söfnunin fer aðallega fram í Blóðbankanum, en blóðbankabíllinn mun einnig mæta á háskólasvæðið; þann 3. mars verður hann á bílastæðinu við Háskólabíó, og 15. mars við Odda.

Það nemendafélag sem gefur hlutfallslega mest blóð hlýtur farandbikar blóðgjafamánaðarins að launum. Verður hann afhentur í  lokahófi átaksins. Síðast skilaði þetta átaksverkefni tæpum 200 blóðgjöfum, en nú er markmiðið að gjafirnar verði enn fleiri.

Blóðbankinn þarf að meðaltali 70 blóðgjafir á dag til að anna eftirspurn. Þróunin er hins vegar sú að þörfin fyrir blóðgjafir fer vaxandi samhliða því að framboðið fer minnkandi. Blóðbankinn þarf um 2.000 nýja blóðgjafa á ári, og því er mikilvægt að ungt fólk kynnist starfseminni vel og byrji að gefa blóð. Lýðheilsufélagið vonast því til að þessu átaki takist að virkja háskólanema sem reglulega blóðgjafa svo Ísland geti haldið áfram að vera sjálfu sér nægt um blóðhluta.

Frekari upplýsingar má finna á http://www.blodbankinn.is og á facebook-síðu átaksins, http://www.facebook.com/group.php?gid=358094801140.

Kjöri fulltrúa Heilbrigðisvísindasviðs á Háskólaþing tímabilið 1. júlí 2010 til 30. júní 2012 er lokið.

Fulltrúi Heilbrigðisvísindasviðs er Elín Soffía Ólafsdóttir, prófessor við Lyfjafræðideild, og varamenn Ingibjörg Gunnarsdóttir, dósent við Matvæla- og næringarfræðideil, og Karl G. Kristinsson, prófessor við Læknadeild.

Á kjörskrá voru 186 og greiddu 98 manns atkvæði, eða rúm 52%. Eitt atvæði var ógilt.

Rannsókn sem Vilmundur Guðnason prófessor við læknadeild Háskóla Íslands stýrði að hluta hefur verið valin ein af tíu mikilvægustu rannsóknum ársins 2009 á sviði hjarta- og heilasjúkdóma. Að valinu standa Bandarísku hjartaverndarsamtökin (American Heart Association).

Rannsóknin var unnin í samstarfi Hjartaverndar, evrópskra og bandarískra vísindamanna og stýrði Vilmundur íslenska rannsóknateyminu en hann er jafnframt forstöðulæknir Rannsóknarstöðvar Hjartaverndar.

Rannsóknin leiddi í ljós gen sem stýra blóðþrýstingi hjá mönnum. Grein um rannsóknina birtist í tímaritinu Nature Genetics í maí í fyrra. Bandarísku Hjartaverndarsamtökin velja árlega tíu bestu rannsóknirnar á sviði hjarta- og æðasjúkdóma og heilaáfalla.

Í fréttatilkynningu samtakanna frá 22. desember síðastliðnum kemur fram að rannsóknirnar sem komu til álita spanni víðfeðmt svið frá grunnvísindum til klínískra rannsókna. Þetta er því afar mikill heiður og mikilvæg viðurkenning á því starfi sem Hjartavernd hefur staðið fyrir í 40 ár. Þetta sannar jafnframt mikilvægi þeirra rannsókna sem Hjartavernd sinnir á sviði hjarta og æðasjúkdóma.

Fimmtudaginn 5. nóvember mun Dr. Styrmir Sævarsson, taugavísindamaður, kynna doktorsverkefni sitt: Framfarir í meðferð gaumstols.
Dr. Styrmir stundaði doktorsnám samhliða við Taugasálfræðideild Háskólans í Freiburg í Þýskalandi og við Sálfræðideild Háskóla Íslands. Um er að ræða sameiginlega doktorsgráðu háskólanna beggja og fór doktorsvörnin fram við Háskólann í Freiburg 22. október sl.

Leiðbeinendur í verkefninu voru Dr. Árni Kristjánsson, dósent við Sálfræðideild Háskóla Íslands og Prof. Dr. Ulrike Halsband, yfirmaður Taugasálfræðideildarinnar í Freiburg. Auk þeirra var Prof. Dr. Cornelius Weiller, stjórnandi taugadeildar sjúkrahúss Háskólans í Freiburg í doktorsnefnd.

Fyrirlesturinn verður haldinn kl. 15:00 í Hátíðasal Háskóla Íslands og fer fram á íslensku. Dr. Jörgen L. Pind, forseti Sálfræðideildar, stjórnar athöfninni.

Ágrip úr rannsókn

Verkefnið fjallar um gaumstol og hvernig má hjálpa sjúklingum sem þjást af þessum kvilla. Gaumstol er algeng skynröskun í kjölfar heilaskaða, oftast vegna heilablóðfalls í hægra heilahveli og lýsir sér venjulega að þolandi á erfiðleikum með að taka eftir áreitum til vinstri, til dæmis þegar einhver talar frá vinstri hlið og sjúklingurinn verður ekki var við viðmælandann. Í verkefninu voru helstu einkenni gaumstols könnuð en jafnframt voru gerðar rannsóknir á meðferðarúrræðum við gaumstoli, svo sem strendingsaðlögun, hálstitrun, ásamt samþættingu ólíkra meðferðarúrræða. Meginniðurstöður ritgerðarinnar eru eftirfarandi: Hugrænt álag getur dregið úr jákvæðum áhrifum strendingsaðlögunar á sjónleit gaumstolssjúklinga. Meðferðaráhrif strendingsaðlögunar má styrkja með því að beita hálstitrun á sama tíma. Þar að auki virðist sem samtvinnuð meðferðarúrræði sem er beitt samtímis skila betri árangri en úrræði sem er beitt á annan hátt og standa vonir til að niðurstöður ritgerðarinnar geti leitt til betri lífsgæða hjá þeim sem þjást af gaumstoli.

Um nýdoktorinn

Styrmir Sævarsson er fæddur í Reykjavík þann 20. apríl 1976. Hann lauk stúdentsprófi frá náttúrusviði Fjölbrautaskólans í Breiðholti árið 1997 og BA prófi í sálfræði frá Háskóla Íslands 2003. Hann lauk M.Sc. prófi í taugavísindum og hugfræði frá Háskólanum í Utrecht í Hollandi árið 2006 og varði doktorsritgerð sína 22. október 2009. Foreldrar Styrmis eru Sævar Geirsson, B.Sc. í tæknifræði, og Hafdís Björnsdóttir, ljósmóðir. Sambýliskona Styrmis er  Aurélie Kley.

Eins og kynnt hefur verið verður engin brautskráningarathöfn hjá Háskóla Íslands í október en nemendur sem luku námi frá deildum Heilbrigðisvísindasviðs í september geta fengið prófskírteini sín afhent á skrifstofu viðkomandi deildar frá og með mánudeginum 26. október 2009. Þeim nemendum sem luku námi í september er einnig gefinn kostur á því að vera við brautskráningarathöfnina 27. febrúar 2010 ef þeir svo kjósa, óháð því hvort þeir hafi áður sótt skírteinisitt til deildar.

Föstudaginn 9. október nk. fer fram doktorsvörn frá Læknadeild Háskóla Íslands. Þá ver Stefán Ragnar Jónsson líffræðingur doktorsritgerð sína " The Antiretroviral APOBEC3 Proteins of Artiodactyls" (Íslenskur titill: Retróveiruhindrinn APOBEC3 í klaufdýrum).

Andmælendur eru Dr. Klaus Strebel, National Institute of Allergy and Infectious Diseases, NIH, í Bethseda í Bandaríkjunum og Dr. Jón Jóhannes Jónsson, dósent við Læknadeild HÍ. Leiðbeinendur Stefáns voru Dr. Valgerður Andrésdóttir, vísindamaður á Tilraunastöð HÍ í meinafræði að Keldum og Dr. Reuben S. Harris, dósent, Department of Biochemistry, Biophysics and Molecular Biology, University of Minnesota. Aðrir í doktorsnefnd voru Dr. Ólafur S. Andrésson, prófessor við Líf- og umhverfisvísindadeild HÍ, Dr. Eiríkur Steingrímsson, prófessor við Læknadeild HÍ, og Guðmundur Pétursson, prófessor emeritus, Tilraunastöð HÍ í meinafræði að Keldum.

Dr. Guðmundur Þorgeirsson, prófessor og forseti Læknadeildar Háskóla Íslands, stjórnar athöfninni sem fer fram í stofu 132 í Öskju og hefst kl. 14:00

Ágrip úr rannsókn

Lífverur hafa frá örófi alda þróað með sér varnir gegn retróveirusýkingum. Dæmi um slíkt eru APOBEC3 próteinin en þau eru fjölskylda af-aminasa sem einungis er að finna í spendýrum. Mörg þessara próteina geta hindrað retróveirur með því að af-aminera cýtósín í úrasil í erfðaefni veirunnar meðan á víxlritun stendur. Lentiveirur, m.a. HIV hafa þróað mótsvar við þessu, próteinið Vif (virion infectivity factor) sem stuðlar að niðurbroti APOBEC3 próteina. Í þessu verkefni voru APOBEC3 gen og prótein klaufdýra (nautgripa, kinda og svína) klónuð og virkni og sértækni þeirra athuguð. APOBEC3 prótein klaufdýra gátu hindrað eftirmyndun HIV-1 og reyndust ónæm fyrir áhrifum Vif próteins HIV-1.
Raðgreining erfðamengja manna og músa hefur leitt í ljós mikinn mun í fjölda APOBEC3 gena milli dýrategunda, frá einu í músum til sjö í mönnum. Leitað var í DNA söfnum sem innihéldu litninga DNA klaufdýra og APOBEC3 gen þessara tegunda fullraðgreind. Reyndust kindur og nautgripir hafa þrjú APOBEC3 gen en svín tvö. Þessar niðurstöður benda til þess að sameiginlegur forfaðir klaufdýra hafi haft þrjú APOBEC3 gen og þriðja genið hafi tapast snemma í þróun suidae ættkvíslarinnar.

Tegundarsérhæfni leikur stórt hlutverk í samskiptum sýkils og hýsils. APOBEC3 prótein virðast veita breiðvirka vernd gegn retróveirum, en hver veira hefur þróað mótleik sem er sérsniðin að APOBEC3 próteinum viðkomandi hýsils. Tjáning á APOBEC3 próteinum úr ólíkum tegundum gæti því hugsanlega dregið úr veirusýkingum milli tegunda. Skortur á líffærum til líffæragjafa hefur leitt af sér notkun efniviðar úr öðrum dýrategundum og er helst litið til svína. Veirusýkingar hafa verið til umræðu eftir að sýnt var fram á að innrænar retróveirur úr svínum (PERV) geta sýkt mannafrumur í frumurækt. Við athuguðum hvort tjáning á APOBEC3 próteini úr annarri dýrategund gæti hindrað færslu veira frá svínum til manna. Samræktunartilraunir voru notaðar til að sýna fram á að stöðug tjáning manna APOBEC3G í veiru-framleiðandi svínafrumum kom í veg fyrir sýkingu yfir í mannafrumur. Þetta bendir til að nota mætti tjáningu próteina milli tegunda til framleiðslu á hættuminni efnivið fyrir líffæragjafir.

Rannsóknirnar voru unnar á Tilraunastöð Háskóla Íslands í meinafræði að Keldum og við Lífefna- og sameindalíffræðideild University of Minnesota

Um doktorsefnið

Stefán Ragnar Jónsson er fæddur árið 1977. Hann lauk stúdentsprófi frá náttúrufræðibraut Menntaskólans í Kópavogi árið 1997 og B.Sc. gráðu í líffræði frá Háskóla Íslands í júní 2000. Hann hóf meistaranám við Læknadeild Háskóla Íslands árið 2001 og doktorsnám við sömu deild 2004. Foreldrar Stefáns eru Jón Kr. Stefánsson lyfjafræðingur og Hanna G. Ragnarsdóttir vefnaðarkennari.