Afreks- og hvatningarsjóður stúdenta Háskóla Íslands
Afreks- og hvatningarsjóður stúdenta Háskóla Íslands var stofnaður árið 2008 til að styrkja afburðanemendur til náms við skólann og var fyrsta úthlutun í júní það sama ár. Háskóli Íslands hyggst veita árlega styrki til nýstúdenta, sem náð hafa framúrskarandi árangri á stúdentsprófi. Áætlað er að úthluta úr sjóðnum um miðjan júní ár hvert.
Verkefnastyrkur FS
Félagsstofnun stúdenta veitir verkefnastyrki þrisvar á ári. Tvo við útskrift í júní, einn í október og einn í febrúar. Nemendur sem skráðir eru til útskriftar og þeir sem eru að vinna verkefni sem eru 6 einingar eða meira í greinum þar sem ekki eru unnin lokaverkefni geta sótt um.
Stúdentasjóður
Stúdentaráð hefur umsjón með Stúdentasjóði. Hlutverk Stúdentasjóðs er að styðja við menningar- og félagslíf í deildum skólans. Í þeim tilgangi veitir sjóðurinn fé til deildarfélaga, samtaka stúdenta og einstakra stúdenta.
Nýsköpunarsjóður námsmanna
Nýsköpunarsjóður námsmanna útvegar áhugasömum nemendum sumarvinnu við metnaðarfull og krefjandi rannsóknarverkefni. Styrkjum er úthlutað til kennara á háskólastigi, fyrirtækja, rannsóknastofnana eða einstaklinga sem teljast hafa sérþekkingu á ákveðnu sviði, til þess að ráða stúdenta til sumarstarfa. Markmið sjóðsins er að stuðla að nýsköpun, jafnt fyrir atvinnulíf sem á fræðasviði.
Greiningarsjóður fyrir nemendur með námsörðugleika
Stúdentaráð starfrækir greiningarsjóð þar sem þeir nemendur sem þurfa greiningu vegna sértækra námsörðugleika geta sótt um styrk upp í kostnað við greiningu. Fyrsta úthlutun úr sjóðnum fór fram í apríl 2007, en stefnt er að því að úthluta einu sinni á misseri.
Háskólasjóður Eimskips
Háskólasjóður Eimskips hefur veitt skyrki til nemenda Háskólans frá árinu 2006.
Vefur styrktar og rannsóknarsjóða HÍ
Nemendum, kennurum og starfsfólki Háskóla Íslands standa til boða styrkir úr sjóðum sem starfræktir eru við Háskólann. Annars vegar er um að ræða sjóði sem veita styrki til rannsókna, einkum til doktorsnema og fræðimanna við skólann.
Hins vegar eru Styrktarsjóðir Háskóla Íslands en þar er að finna ríflega sextíu sjóði og gjafir sem ánafnaðar hafa verið Háskólanum frá stofnun hans. Flestir sjóðanna starfa samkvæmt staðfestri skipulagsskrá, sem ætlar þeim að úthluta styrkjum og viðurkenningum til ýmissa verkefna nemenda, kennara og vísindamanna.