Háskóli Íslands

Stúdentaíbúðir

Stúdentaíbúðir

Nemendur fyrir utan aðalbyggingu HÍ

Félagsstofnun stúdenta rekur Stúdentagarða á háskólasvæðinu. Upplýsingar og umsóknir má fá á vefsíðu Stúdentagarða.

Einnig er hægt að sækja um íbúðir hjá Byggingafélagi námsmanna en félagið rekuríbúðir á tíu stöðum víðs vegar á höfuðborgarsvæðinu.

Stúdentagarðar

Stúdentagarðar bjóða námsmönnum við Háskóla Íslands til leigu hentugt húsnæði á góðum stöðum og sanngjörnu verði. Húsnæðið er af ýmsum stærðum og gerðum: einstaklingsherbergi og -íbúðir, tvíbýli, fjórbýli, paríbúðir og tveggja, þriggja og fjögurra herbergja fjölskylduíbúðir. Húsakynnin nefnast Gamli Garður, Skerjagarður, Hjónagarðar, Vetrargarður, Skuggagarðar, Skógargarðar, Oddagarðar og Ásgarðahverfið. Aðgengi er að tölvuneti Háskóla Íslands í öllu húsnæði Stúdentagarða.

Allar nánari upplýsingar eru á vef Stúdentagarða.

Vatnagarður er heimavist sem Háskóli Íslands rekur í skólahúsi að Lindarbraut 4 á Laugarvatni. Þar búa nemendur í eins eða tveggja manna herbergjum með baðherbergi. Sameiginleg og rúmgóð aðstaða er í setustofu, borðstofu og eldhúsi. Innangengt er í kennslustofur á Vatnagarði.

Húsnæðismiðlun

Á vefsíðu Félagsstofnunar stúdenta fer fram miðlun húsnæðis á almennum markaði. Húsnæðiseigendur geta skráð eignir sínar til leigu, hvort sem um er að ræða herbergi eða íbúðir, með það fyrir augum að leigja stúdentum. Stúdentamiðlun er ekki ráðgefandi varðandi leiguverð og leggur hvorki mat á leigusala né leigutaka í neinu tilliti. Nánari upplýsingar má finna á vefsíðu miðlunarinnar.

 
 

Þarfnast þessi síða lagfæringar?

Sía fyrir ruslpóst
This question is for testing whether or not you are a human visitor and to prevent automated spam submissions.
Image CAPTCHA
Skrifaðu stafina sem sjást á myndinni.
Þú ert að nota: drupalcl1.rhi.hi.is