Samstarf opinberu háskólanna er tveggja ára átaksverkefni sem hófst í ágúst 2010. Verkefnið er byggt á stefnuskjali sem gefið var út af mennta- og menningarmálaráðherra þann 9. ágúst 2010.

Markmið verkefnisins snúa að eflingu íslenskra háskóla, kennslu og rannsókna, aukinni hagkvæmni í rekstri háskóla og að tryggja háskólastarfsemi víða á landinu.

Aðilar að verkefninu eru Háskóli Íslands, Háskólinn á Akureyri, Landbúnaðarháskóli Íslands og Hólaskóli-Háskólinn á Hólum.

Á vef Samstarfs opinberu háskólanna má finna lýsingu á verkefninu, upplýsingar um vinnuhópa sem starfað hafa á vegum verkefnisins, skjöl og gögn sem tengjast verkefninu og fréttir af framgangi verkefnisins.

Starfsmaður verkefnisins er Ásta Bjarnadóttir, PhD, vinnu- og skipulagssálfræðingur. Ásta starfar innan skrifstofu rektors Háskóla Íslands þar sem rektor HÍ er formaður verkefnisstjórnar og sinnir hún samstarfi opinberu háskólanna í fullu starfi.