Páll Jakobsson var ráðinn dósent í stjarneðlisfræði við raunvísindadeild verkfræði- og náttúruvísindasviðs frá 1. ágúst 2008. Páll lauk doktorsprófi í stjarneðlisfræði frá Háskólanum í Kaupmannahöfn 2005 og meistaraprófi í stjarneðlisfræði frá sama skóla 2002. Hann útskrifaðist frá Háskóla Íslands 1999 með B.Sc í eðlisfræði 1999.
Páll kemur frá Háskólanum í Hertfordshire þar sem hann var Marie Curie Fellow frá því í janúar 2007. Hann var nýdoktor við Háskólann við Hertforshire frá apríl 2006 til ársloka. Og þar á undan eða frá 2005 þegar hann lauk doktorsprófi sínu, var hann nýdoktor við Dark Cosmology Centre, Niels Bohr Institute.
Fræðasvið Páls eru: Gammablossar, þyngdarlinsur, hulduefni og hulduorka í alheimi, þróun stórgerðar alheimsins, vetrarbrautarmyndun og heimsfræði-fastar.
Aðsetur Páls eru í Tæknigarði, sími 525-4941 og netfang, pja@raunvis.hi.is
Háskóli Íslands býður Pál velkominn til starfa.