Nemendaskrá heldur skrá yfir nemendur Háskólans, nám þeirra og námsferil. Nemendaskrá er staðsett á þriðju hæð Háskólatorgs, beint fyrir ofan Bóksölu stúdenta.
Rafræn skráning í námskeið og próf
Nemendur geta í gegnum Uglu, sem er innri vefur Háskólans, skráð sig bæði í og úr námskeiðum og sjúkra- og upptökuprófum á ákveðnum tímabilum. Upplýsingar um þessi skráningartímabil er að finna í kennslualmanaki HÍ.
Nemendur geta jafnframt fylgst með námsferli sínum í gegnum Uglu.
Nánar um verkefni Nemendaskrár og þjónustu sem þar er veitt:
- Nemendaskrá hefur umsjón með innritun og skrásetningu nemenda til náms og í námskeið við allar deildir Háskólans.
- Nemendaskrá skráir og varðveitir gögn um námsferla nemenda, námsframvindu þeirra, námskeið, próf og einkunnir.
- Innheimta skrásetningargjalds er í höndum Nemendaskrár.
- Á auglýstum skráningartímabilum tekur Nemendaskrá við beiðnum um skráningu í og úr námskeiðum og prófum með tölvupósti, í þeim tilvikum þegar nemendur geta ekki skráð sig sjálfir í gegnum Uglu.
- Á Þjónustuborðinu Háskólatorgi geta nemendur fengið vottorð um skólavist, námsferilsyfirlit og pantað staðfest afrit af brautskráningarskírteinum og fylgiskjölum. Afgreiðslufrestur afrita af brautskráningarskírteinum er minnst einn sólarhringur. Almenn vottorð, svo sem vegna húsaleigubóta, fæðingarorlofs, orlofs, sjúkradagpeninga, atvinnuleysisbóta o. fl. kosta kr. 350. Námsferilsyfirlit og staðfest afrit af brautskráningarskírteinum kosta einnig kr. 350.
- Útprent af námskeiðslýsingum er einnig hægt að nálgast á Þjónustuborðinu Háskólatorgi og kosta allt að kr. 1.750.
- Þjónustuborð og Nemendaskrá taka við læknisvottorðum vegna veikinda í prófum.
- Nemendaskrá annast undirbúning brautskráningar kandídata, í samvinnu við deildir og rektorsskrifstofu.
Nemendaskrá er í Háskólatorgi, 3. hæð, s. 525 4309, fax 525 4317, netfang nemskra@hi.is. Afgreiðslutími er kl. 09:00-12:00 og 12:30-15:00 alla virka daga.
Starfsmenn Nemendaskrár eru:
- Aníta Hannesdóttir, verkefnisstjóri
- Droplaug Jóhannsdóttir, verkefnisstjóri
- Elín Ágústa Ingimundardóttir, verkefnisstjóri
- Erla Ósk Hermannsdóttir, verkefnisstjóri
- Guðrún Valgerður Bóasdóttir, verkefnisstjóri
- Jóna Margrét Guðmundsdóttir, verkefnisstjóri
- Kristín Jónasdóttir, skrifstofustjóri
- Stefanía Lóa Jónsdóttir, deildarstjóri
- Vilborg Norðdahl, verkefnisstjóri
Afgreiðslutími Þjónustuborðsins Háskólatorgi er á veturna frá kl. 8:30-18:00, mánudaga til fimmtudaga en frá kl. 8:30-16:00 á föstudögum. Á sumrin er afgreiðslutíminn mánudaga til fimmtudaga frá kl. 8:30 til 16:30 en frá 8:30-16 á föstudögum. Sími 525 5800, fax 525 5802 og netfang haskolatorg@hi.is.