Háskóli Íslands

Mat á fyrra námi

Mat á fyrra námi

NýnemadagarSamkvæmt reglum Háskólans er einstökum deildum heimilt að meta námskeið eða námshluta sem stúdent hefur lokið við aðra deild eða annan skóla. Stúdentar sækja um slíkt mat til deildar, sem ákveður hvort meta skuli viðkomandi námskeið, og þá til hve margra ECTS-eininga. Deildin skal afla umsagnar kennara í viðkomandi grein áður en ákvörðun er tekin. Deildum Háskólans ber að fara eftir þeim alþjóðlegu samningum um viðurkenningu á háskólamenntun og hæfi sem íslenska ríkið er aðili að við afgreiðslu umsókna um mat á fyrra námi, svo sem Lissabon sáttmálanum og Reykjavíkuryfirlýsingu menntamálaráðherra Norðurlandanna.

Mismunandi reglur deilda

Reglur deilda um mat á námi geta verið mismunandi. Þær geta kveðið á um lágmarksárangur í þeim námskeiðum sem metin eru, hámarksaldur prófa sem metin eru, auk þess sem reglur deildanna skulu kveða á um hvort heimilt er að meta námskeið sem áður hafa verið látin gilda til prófgráðu.

Fylgiskjöl

Þegar sótt er um mat á fyrra námi skal fylgja með umsókninni staðfest afrit af prófvottorði ásamt námslýsingum frá viðkomandi skóla. Í umsókn sinni skal stúdent gera grein fyrir hvort sótt er um að viðkomandi nám sé metið sem valnámskeið eða að það komi í stað ákveðins tilgreinds skyldunámskeiðs.

Akademískt mat á námi milli landa (ENIC/NARIC upplýsingaskrifstofa)

Þarfnast þessi síða lagfæringar?

Sía fyrir ruslpóst
This question is for testing whether or not you are a human visitor and to prevent automated spam submissions.
Image CAPTCHA
Skrifaðu stafina sem sjást á myndinni.
Þú ert að nota: drupalcl1.rhi.hi.is