Markaðs- og samskiptasvið Háskóla Íslands hefur heildarumsjón með öllu markaðs- og samskiptastarfi Háskóla Íslands og samhæfir slíkt starf innan allra eininga skólans.
Hlutverk markaðs- og samskiptasviðs Háskóla Íslands er að miðla upplýsingum til almennings og hagsmunaðila um fjölbreytta starfsemi Háskóla Íslands og styrkja þannig ímynd hans og orðspor.
Sviðið vinnur markvisst að því að almenningur og ytri og innri hagsmunaaðilar skynji stöðu Háskólans á jákvæðan hátt og hafi skýra mynd af hlutverki hans og sérstöðu.
Háskóli Íslands nýtur nú mests trausts allra menntastofnana á landinu samkvæmt þjóðarpúlsi Capacent.
Markaðs- og samskiptasvið er eitt af sex þjónustu- og stoðsviðum í sameiginlegri stjórnsýslu Háskóla Íslands. Sviðið starfar í nánum tengslum við stjórnsýslu, fræðasvið og deildir Háskólans. Sviðsstjóri er Jón Örn Guðbjartsson, MBA.
Á markaðs- og samskiptasviði er starfsfólk með fjölbreytta menntun og reynslu sem nýtist í þeim margþættu verkefnum sem sviðið hefur umsjón með.
Meðal verkefna markaðs- og samskiptasviðs má nefna útgáfu á kynningarefni, útgáfa Tímarits Háskóla Íslands, námskynningar, vefmál Háskólans, samskipti við fjölmiðla, umsjón með stærri viðburðum, umsjón með styrktarsjóðum, hollvinastarf, vísindamiðlun til almennings, símasvörun og upplýsingaþjónustu ásamt mörgu öðru.
Innan sviðsins er starfrækt upplýsingaskrifstofa sem er staðsett í anddyri Aðalbyggingar.
Markaðs- og samskiptasvið hefur aðstöðu í Aðalbyggingu, 1. hæð - suður.