Listasafn Háskóla Íslands var stofnað árið 1980 með listaverkagjöf hjónanna Sverris Sigurðssonar og Ingibjargar Guðmundsdóttur og var stofnskrá safnsins staðfest af forseta Íslands í apríl 1980.
Listasafn Háskóla Íslands hefur með höndum varðveislu og viðhald stofngjafar og annarra verka í eigu þess og stuðlar að rannsóknum á íslenskri listasögu. Það stendur einnig fyrir sýningum, bæði á eigin vegum og í samvinnu við aðra.
Sérstök deild í safninu nefnist Þorvaldssafn, eftir Þorvaldi Skúlasyni listmálara, enda eru verk eftir hann uppistaða stofngjafarinnar sem nam alls 140 listaverkum.
Styrktarsjóður Listasafns Háskóla Íslands, sem stofnaður var á níræðisafmæli Sverris Sigurðssonar, 10. júní 1999, hefur það hlutverk að efla rannsóknir á íslenskri myndlist að fornu og nýju.
Auður Ólafsdóttir (auo@hi.is) listfræðingur og lektor í listfræði er safnstjóri safnsins. Sími 525-4411.