Háskóli Íslands

Lesrými og tölvuver

Lesrými og tölvuver

Úr tölvuveri Háskóla Íslands

Reiknistofnun Háskóla Íslands (RHÍ) rekur 18 tölvuver á háskólasvæðinu. Einnig eru tölvuver í húsnæði skólans við Stakkahlíð, í Skipholti og Íþróttafræðasetri á Laugarvatni. Allir nemendur Háskóla Íslands fá úthlutað heimasvæði á Uglunni, innri vef skólans, þar sem m.a. fram koma skráningarstaða þeirra, upplýsingar frá kennurum o.fl. Allar upplýsingar og leiðbeiningar er að finna á vef Reiknistofnunar HÍ.

Lesrými og hópavinna

Í Þjóðarbókhlöðu, Landsbókasafni Íslands - Háskólabókasafni, eru um 400 sæti við borð auk fjölmargra sæta við tölvur, lesvélar og í tón- og mynddeild. Auk þess eru hópvinnuherbergi á 3. og 4. hæð. Á Háskólatorgi og Gimli er góð lesaðstaða fyrir nemendur auk tölvuvera. Á bókasafninu í Stakkahlíð, sem er sérhæft safn á sviði uppeldis, kennslu og umönnunar, er einnig lesrými og sæti við tölvur. Bókasafn Íþróttafræðaseturs á Laugarvatni er sérhæft í íþrótta- og heilsufræðum og þar er bæði lesrými og rými fyrir hópavinnu og sæti við tölvur.

Einnig eru nokkur sæti ætluð nemendum í útibúum og sérsöfnum á vegum Háskólabókasafnsins í byggingum Háskólans. Þá eru lesrými í Fjölskyldugörðum á Eggertsgötu fyrir íbúa. Opin lesrými og hópavinnuborð eru víða um háskólasvæðið, svo sem í Odda, Gimli og Öskju.

Nemendur geta bókað stofur fyrir hópavinnu einu sinni í viku í allt að þrjá tíma en ef bókanir eru tvær eða fleiri í sömu viku er greitt fyrir þær allar. Til að bóka stofu skal hafa samband á netfangið kennslustofur@hi.isSkilyrði er að nafn, kennitala, námskeið og námskeiðsnúmer komi fram í beiðninni, en einnig þarf að gefa upp nöfn þeirra sem skipa hópinn. Sá sem biður um stofuna ber sjálfkrafa ábyrgð á stofunni nema annað sé tekið fram. Ábyrgðaraðili sér til þess að ekki sé matast í stofunni, umgengni um hana sé góð og að viðskilnaður sé til fyrirmyndar; stólum og borðum raðað rétt upp, gluggar lokaðir og slökkt á skjávarpa. Ath. að beiðnir um um stofur þurfa að berast á hefðbundnum vinnutíma og með a.m.k. 2-3 klst. fyrirvara.

Þarfnast þessi síða lagfæringar?

Sía fyrir ruslpóst
This question is for testing whether or not you are a human visitor and to prevent automated spam submissions.
Image CAPTCHA
Skrifaðu stafina sem sjást á myndinni.
Þú ert að nota: drupalcl1.rhi.hi.is