Grunnnám

Stúdentar sem hefja nám í Háskóla Íslands skulu hafa lokið stúdentsprófi eða öðru sambærilegu prófi frá erlendum skóla.

Nánar

Fyrir utan almennu kröfuna um stúdentspróf eru inntökuskilyrði mismunandi eftir deildum Háskólans. Ítarlegar upplýsingar um inntökuskilyrði er að finna í Reglum um inntökuskilyrði í grunnnám við HÍ og í köflum fræðasviða og deilda í Kennsluskrá Háskólans. Sömuleiðis eru inntökuskilyrði tiltekin í upplýsingum um hverja námsleið fyrir sig.

Umsækjendur þurfa að kynna sér inntökuskilyrðin vel áður en þeir velja námsleið. Sjá einnig fyrirvara í Kennsluskrá 2012-2013.

Undanþágur frá inntökuskilyrðum í grunnnám

Á háskólaárinu 2012-2013 nýtir HÍ heimild sína til að veita undanþágur frá formlegum inntökuskilyrðum í grunnnám. Sjá nánari upplýsingar í Kennsluskrá.

Framhaldsnám

Um inntökuskilyrði í nám á meistara- og doktorsstigi gilda sérreglur deilda. Þessar reglur eru birtar í Kennsluskrá og á vefsíðum fræðasviða og deilda.

Inntökupróf og fjöldatakmarkanir

Í læknisfræði og sjúkraþjálfun eru haldin inntökupróf í júní. Umsókarfrestur er til 20. maí, sjá nánari upplýsingar á vef læknadeildar. Inntökupróf er einnig haldið í júní vegna bakkalárnáms í hagfræði. Í lífeindafræði, hjúkrunarfræði, næringarfræði, tannlæknisfræði og tannsmíði eru haldin samkeppnispróf við lok haustmisseris í desember. Sjá nánar um fjöldatakmarkanir og fyrirvara í Kennsluskrá.