Hlutverk og verkefni starfsmannasviðs
Meginhlutverk starfsmannasviðs er að vinna að vönduðum vinnubrögðum í starfsmannamálum við Háskóla Íslands og tryggja að lögum og reglum sé framfylgt í meðferð starfsmannamála.
Verkefni starfsmannasviðs tekur mið af starfsmannastefnu Háskólans. Leitast er við að gera Háskólann að góðum vinnustað þar sem gott starf er unnið af áhugasömu, samstilltu og ábyrgu fólki í anda jafnræðis. Tryggja á starfsmönnum sem best starfsskilyrði og möguleika til að vaxa og dafna í starfi.
Starfsmannasvið er eitt af sex sviðum í sameiginlegri stjórsýslu Háskólans og heyrir beint undir rektor. Á sviðinu starfa 5 starfsmenn í 4,8 stöðugildum. Þau eru, Guðrún Jóhanna Guðmundsdóttir sviðsstjóri og verkefnastjórarnir Anna Toher, Elísabet Þorsteinsdóttir, Hildur Halldórsdóttir og Kristín Helga Markúsdóttir sem einnig er lögfræðingur sviðsins.
Helstu verkefni sviðsins eru:
- Starfsmannamál og útfærsla á starfsmannastefnu HÍ
- Eftirlit og ráðgjöf vegna mála er varða réttindi og skyldur starfsmanna
- Stoðþjónusta við stjórnendur
- Auglýsingar og umsóknir
- Ráðningarmál - aðstoð, þjónusta og leiðsögn við ráðningarferlið
- Ráðningarviðtöl - þátttaka, leiðsögn og þjónusta
- Ráðgjöf við skipulagningu og samræmingu á störfum
- Launaröðun - starfsmanna í stjórnsýslu
- Starfs-, hæfnis- og ársmat
- Lögfræðileg ráðgjöf vegna starfsmannamála
- Einstaklingsmálefni - ráðgjöf og úrræði
- Handbók starfsmanna
- Kjarasamningar og stofnanasamningar
- Starfslýsingar - utanumhald, leiðbeiningar og fræðsla
- Starfsmannasamtöl
- Starfslokaviðtöl - stjórnsýslu störf
- Lífeyrismál og starfslok
- Umsjón með námsleyfum starfsmanna í stjórnsýslu
- Umsjón með starfsfræðslu, starfsþróun og starfsþjálfun
- Fræðsla og þjónusta við erlenda starfsmenn
- Fræðsla og þjónusta við fyrrum starfsmenn Háskólans
- Starfsmannaskrá og þjónusta sem henni viðkemur
- Fjöldatölur og tölfræðilegar samantektir vegna starfsmanna
Starfsmannasvið leggur áherslu á eitt af grunngildum Háskóla Íslands um heilindi og virðingu.
Í öllu starfi Háskóla Íslands er áhersla lögð á heiðarleg vinnubrögð. Samskipti einkennast af gagnkvæmri virðingu og trausti.