Háskóli Íslands

Bókasöfn og bóksala

Bókasöfn og bóksala

Frá bókasafni í Háskóla Íslands

Bókasöfn Háskóla Íslands

Stúdentar og starfsfólk geta sótt bókasafnsþjónustu á ýmsa staði. Bókasafnsskírteini eru án endurgjalds.

  • Landsbókasafn Íslands - Háskólabókasafn – Safnkostur á öllum efnissviðum. Safnið er bókasafn Háskóla Íslands samkvæmt lögum nr. 71/1994. Það rekur nokkur útibú í tengslum við lestraraðstöðu á vegum Háskóla Íslands. Á safninu er hægt að fá bækur að láni, nota námsbókasafn, hlusta á geisladiska og horfa á myndbönd, nálgast íslensk og útlensk tímarit og skoða lokaritgerðir nemenda við Háskóla Íslands. Á safninu er einnig aðgangur að rafrænum gagnasöfnum í eigu og áskrift safnsins, upplýsingaþjónusta, notendaþjónusta og sala ljósritunarkorta. Á safninu er um 400 sæti við borð auk fjölmargra sæta við tölvur. 
  • Bókasafn Menntavísindasviðs – Safnkostur einkum á sviði menntavísinda. Var áður bókasafn Kennaraháskóla Íslands. Í safninu er sérstakt kennslugagnasafn fyrir leik- og grunnskólastig þar sem stúdentum er leiðbeint um námsgögn og kennsluaðferðir í undirbúningi fyrir vettvangsnám. Upplýsingaþjónusta og aðstoð við heimildaleit er veitt í safninu og kennsla í upplýsingaöflun er felld inn í inngangsnámskeið í upphafi náms.
  • Heibrigðisvísindabókasafn – Safnkostur einkum á sviði heilbrigðisvísinda. Hefur til þessa veitt Læknadeild og Hjúkrunarfræðideild HÍ bókasafnsþjónustu
  • Í Eirbergi er safn fyrir hjúkrunarfræðinema og læknanema, í Haga er safn fyrir nemendur í lyfjafræði, í Lögbergi fyrir laganema og í Norræna húsinu fyrir nemendur í norrænum tungumálum. Bókasafn í Öskju er fyrir nemendur á Verkfræði- og náttúruvísindasviði. Bókasafn Íþróttafræðaseturs á Laugarvatni er sérhæft í íþrótta- og heilsufræðum og hefur lesrými og rými fyrir hópavinnu sem og sæti við tölvur.

Bóksala og skiptibókamarkaður

Bóksala stúdenta

Bóksala stúdenta selur nemendum allar námsbækur sem þeir þurfa, ritföng og önnur námsgögn. Á vef Bóksölunnar geta nemendur fundið bókalista fyrir flest námskeið sem í boði eru við Háskóla Íslands og pantað bækur á vefnum.

Bóksala Menntavísindasviðs er staðsett í skólahúsinu við Stakkahlíð og selur kennslubækur einkum á sviði kennslu, uppeldis og umönnunar. Þar er einnig hægt að fá stílabækur, möppur og fleiri smávörur vegna námsins. Í byrjun hvers misseris kemur bóksalan einn dag á Laugarvatn og þjónustar nemendur með það helsta.

Skiptibókamarkaði er að finna í smáauglýsingum í Uglunni.

 

Þarfnast þessi síða lagfæringar?

Sía fyrir ruslpóst
This question is for testing whether or not you are a human visitor and to prevent automated spam submissions.
Image CAPTCHA
Skrifaðu stafina sem sjást á myndinni.
Þú ert að nota: drupalcl2.rhi.hi.is